Naumai Haeremai ki te Paetukutuku nei.
|
Kainga -
Kainga
|
Kura Kaupapa Māori o te Atihaunui ā Pāpārangi
Nau mai haere mai kōutōu katoa kei ngā tōpito o te Ao, ki te pae tukutuku o Te Kura Kaupapa Māori o Te Atihaunui a Pāpārangi, arā, ki te rohe ō Aotea waka. Tihei mauriora ki runga, ki raro, ki ngā tahataha katoa mai i te āiōtanga o te rangi tuhāhā me tōna tuku wairua ki te tangata, ara, ōna wāhanga herenga ki te āo turoa. Ka puta mai ai ngā uri o te kerikeritanga a Ruaumoko ki waho. Nō rēira, mai te punawai o Tongariro me tōna rere kau atu ki tai, Tēnā kōutōu katoa, nau mai ki te Kura Kaupapa Māori nei. |  | Mihi ki te Whānau
Tēnā anō koutou katoa - Naumai hoki mai ki te Kura Kaupapa Māori o te Atihaunui ā Pāpārangi. He Kura Kaupapa Māori mātou i te Awa Tipua o Whanganui. Ko ngā tuku ihotanga o ngā Matua Tupuna mātou e whai ake ana. Tihei Mauriora!! Kei Pūtiki tō mātou kura e noho ana i te taha o Pūtiki Wharanui Marae ki te taha o tō mātou Awa nui. Ngā Mihi ki koutou e te whānau i te tau 2007 o te Kura Kaupapa Māori o Te Atihaunui ā Pāpārangi. Ko te tūmanaako kua hiki anō te wairua, te hinengaro kia whai ako anō ai e tātou i tēnei tau. Nau mai Hoki mai!! |  | Ngā Whare Hōu
I tēnei tau nei ka timata ngā whakahōutanga o a tātou whare akoranga i te kura. I tenei wā turituri haere ngā taputapu pūrere rānei o ngā kaimahi whakatū whare i te kura. Nā te mōreareatanga o a rātou mahi, kua rāhui ētehi wāhi o te kura. Ko ngā whare hōu nei te tatari whakamua hei kitenga hōu mō ngā tamariki me ngā kaimahi katoa o te kura – Ka Pai Ra!!! |  | Kei te whakahōutia e te kura tō tātou piringa whare, te tāpiri hoki i tētehi akomanga hōu, te whakahōutia tō tātou whare pukapuka me te wāhi whakahaere kura, ara, te tari, te ruma kaiako me te tari mō tō tātou Tumuaki.
He roa te wā whiriwhiri ki ngā āhuatanga whakahōutanga nei mō te whānau. Engari, kua pau te wā tatari kua tae kētia ki te wā hei huanga mō ngā tamariki mokopuna i roto i tō tātou kura - Mau te Wehi!!! |  |
|
|
|
Kainga -
Kainga
|
Pae Tamariki
 Ka mau te wehi ra! I te marama o te Whiringa a Rangi 2007, i whakahaerehia e te Kura Kaupapa Maori o Tupoho i tetehi ra whakangahau. Tu katoa nga tamariki o nga kura maori o Whanganui ki te atamira whakangahau atu ki te iwi. Konei ra o matou whakaahua o te ra whakahirahira. |
|
Panuitia tonu...
|
|
|
